ព្យុះទី ១៥ ឈ្មោះ ចាន់ហម រួមនឹងព្យុះសង្ឃរាទី ១៣ ឈ្មោះ ដូលហ្វីន កំពុងបន្តមានឥទ្ធិពល

ព្យុះទី ១៥ ឈ្មោះ ចាន់ហម រួមនឹងព្យុះសង្ឃរាទី ១៣ ឈ្មោះ ដូលហ្វីន កំពុងបន្តមានឥទ្ធិពលលើប្រទេសកម្ពុជា តែកម្ពុជាពុំស្ថិតនៅក្នុងគន្លងផ្លូវដើររបស់ព្យុះទាំងពីរនេះទេ ។ ស្ថានភាពបែបនេះនឹងធ្វើឱ្យធាតុអាកាសចាប់ពីថ្ងៃទី ៨ ដល់ថ្ងៃទី ១០ ខែសីហា ឆ្នាំ ២០២៦ នេះ នៅតាមតំបន់វាលទំនាប សីតុណ្ហភាពអប្បម៉ា ២៥°C ទៅ ៣៦°C អាចមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់គ្របដណ្តប់លើផ្ទៃដី ៤០%  តំបន់ខ្ពង់រាប សីតុណ្ហភាពពី ២៤°C ទៅ ៣៤°C អាចមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់គ្របដណ្តប់លើផ្ទៃដី ៧០%  តំបន់មាត់សមុទ្រ សីតុណ្ហភាពពី ២៥°C ទៅ ៣៥°C អាចមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់គ្របដណ្តប់លើផ្ទៃដី ៥០% និងរលកសមុទ្រចាប់ពី០,៥០ម៉ែត្រ-១,៧៥ម៉ែត្រ ៕